الشاعر/صلاح سعد يكتب (من أجلك أنت )

# من أجلك أنت #
============
من خلالك ببقى انت
ببقى واحد من طين ترابك
ببقى روحك ببقى قلبك
اللى حارس
واللى شايف نور ولادك
عرفه ياغاليه
ان السنابل فى الحقول
والقطن بين الخطوط
لوزه طالع بنفحتك
والنخيل من خيرك انت
واللى واقف فى المصانع
دا ابنك انت
والسما الصافيه
والليالي السهرانين
فى حضن احساسك
من نور عنيك
يا أم العلوم والفنون
والسياسه والحروب
يا اللى حنينك معشش
على كل قلب فى سكتك
انت اطلبى تلاقى روحى
وروح ولادك يردو
كل طامع كل غادر
من أجلك انت .
============
(عاميه مرتجله بنت اللحظه)
بقلم # صــــلاح الدسوقى سعـــــد#