عاب علي وبيقول
كلامك لابيجيب
ولا بيودى
اصل البعيد
محتاج لشاعر هندى
بيقول كلامك خشب
او زى حديد بيصدى
قولت هو العتب
على خروف
يعلى مكانه عندى
ولا الكلام زى الدهب
محتاج لقصيدة
تكون ردى
انا الديوان
مع ان شعرى متخفى
انا السلطان
ونبض الشعرا فى صفى
انا انسان
رغم مشاعرى ما تكفى
انا الشقيان
فى بحر حروفه
مرسومة على كفى
انا شاعر ولى مشاعر
تقيد النار وتطفى
انا ساحر انا قادر
اشيلك بين كتبى
وفوق رفى
هى الحكاية مش الغاز
بين حرف عندك
او كلمة عندى
هى الحكاية وبايجاز
بين شخص عادى
و شخص متربي
وهو دا كان ردى
محمود صلاح
ليست هناك تعليقات:
إرسال تعليق