الشاعر/خالد سعد يكتب (بلدنا حتة من الجنة )

( بلدنا حته م الجنة )
م حد يقول ياناس حاجه
سمعت كتير ولا حاجه
لا أنا عايز فى يوم افهم
ولا هفهم فى يوم حاجه
م حد يقلى يامصرى
مفيش حاجه
بلدنا صبيه متعايقه وغناجه
بتضحك للى يديها
ويحميها
وكل نهار شمسها بتشرق
بحس بفرحه منعاده
وأهرب من ليالى الهم
شروق شمسى على أرضى
بحسه ف قلبى أنا سعاده
عشان آمن ومتآمن
ودى نعمة
عشان تفرح
لابد إنك بها تآمن
فقولوا آمين
يارب احفظها واحميها
وكتر رزقنا فيها
وخليها كده ديما
فرح وامان
قولولى آمين
وحطوا علامه
ع الخاين
وع العاصى
وع الفسدان
عشان نقدر نموت شرهم فيهم
ونحميهم
م هم منا لكن رضعوا من اللى كارهينا
فلازم مصر تحميهم وتهديهم
وأى جبان يحابيهم
ويصحى شرهم فيهم
ما هو منا
وهنحاربه
ولا يمكن يعيش بينا
ويبقى ترابنا له حنا
ومصر هتبقى بجهودكم
كده جنه
وللفاسدين وللخاينين
بيان منا
ياريت ترحلوا عنا
لأن الشعب فاض صبره
وعليكم مش هيستنى

خالد سعد