الشاعرة/حبيبة سلام تكتب (كان ياما كان)

كان ياما كان
-----------------؛
حاجات كتير بتتأثر بداخلنا
                  و
حاجات أكتر بتتغير حوالينا
وتتلون قلوب الناس
بلون داكن
يروح ساكن
بدون مانحس ف عنينا
ف يسرق فرح أيامنا
تموت جوانا أحلامنا
وتتكسر بداخلنا
مشاعر حلوة وغريبة
بياض القلب والطيبة
تروح الروح في تغريبة
ولما نفتش ال وجدان
ونتلفت على اللي كان
منلقاش غير بقية روح
باقية من حطام إنسان
ويتحول سراب أجمل
ما كان فينا!!

حبيبة سلام