الشاعر/إسماعيل عبد الهادي يكتب (من زمان)

*( من زمان )*
من زمان قلبي اشتراك
وخاف عليك من كل عين
وقولت اعيش عمري معاك
واحلم بيوم نكون اتنين
اشوف جمالك اسمي عليك
د قمر الدنيا بيك قمرين
وكل شئ ف الدنيا حبك
حتي نهاري بيك نهارين
  * * * * * * * * *
ورد  الجناين لما  يشوفك
يشكي وجده   للبراري
والا نسيمك  لما  تعدي
زي نسيم  وقت البداري
ولما  طيفك يزور  خيالي
مقدرش  اخبي ولا اداري
اصل غرامك  غير  حالي
واتعذبت  ولا  انت داري
  * * * * * * * * *
دلني فين ياحبيبي  المرسي
وانا كنت ارسي ف شط عنيك
وانا كنت انسي معك ياحبيبي
كل الدنيا  ف لمس  ايديك
يلا ياروحي افتح  قلبك
واملا  الدنيا  زهور  حواليك
يلا  تعالي معايا  لشطي
واقفل قلبي ورمشي عليك
  * * * * * * * * *
♡ اسماعيل عبد الهادي ♡