الشاعر/محمد البريمي يكتب (كنت فاكر )

كنت فاكر ..
كنت فاكر قلبك .. طيب مش قاسى ..

كنت فاكر إحساسك .. هو إحساسى ..

عمرك ما هتتغير .. زى ما انت و أكتر..

كنت باكدب إحساسى .. ما كنتش أبدآ أتصور.

كل ما آجى أكلمك .. تسوق فيها و تتدلع ..

كل ما أحاول أقرب .. أندم تانى و أرجع ..

كنت بأتمنى نظرة .. واحدة  من عنيك ..

كنت دايمآ باحلم .. أكون بين إيديك ..

حبيتك من غير ما أعرف .. شعور قلبك إيه ..

غلبنى هواك يا حبيبى ..  مقدرتش عليه ..

فى الرابحة و الجاية .. ألاقيك قدامى ..

كل ما أشوفك .. يزداد شوقى و غرامى ..

مهما شفت منك عذاب .. و حرمتنى من حبك

مش هتعبك أو ألومك .. هسيب الحكم  لقلبك ..

مهما طولت  البعاد .. مش هنساك عمرى يا غالى ..

إنت روح الفؤاد .. و إنت سهر الليالى ..

بقلم الشاعر .. محمد أحمد البريمى ..

 ..