الشاعر/طارق السيد يكتب(زمن الحلزونة)

زمن الحلزونة
بصيت مرة من البلكونة
لقيت مرجان ركب الحلزونة
وعم سنونو بعد مانونو
صمم ينفخ في البالونة
بالذمة ياناس بقا دا اسمه كلام
شعر دا ولا دا أي كلام
ردوا عليا ياخلق وقولوا
ولا أشد لحافي وأنام
خليتوا شعري يشد في شعره
ويقول أسوى في سوقكم كام
ردوا عليا الله لايسيئكم
ولا سايقكوا كلام مرجان
أركب سرج لساني واجيلكو
من جيل أهل الفن لجيلكو
وألش لكو كدا أجدع ألش
يمكن ألشي ياناس يعجبكو
سهل عليا ياخلق أهلس
سهل أتنأور ولا أألس
وأعمل زي المدعو نننس
أو مزاجنجي وأقول يافننس
لكن صعب إني أبيع نفسي
وأكون ستاموني وأقول ما في نفسي
علشان نفسي دي غالية عليا
مهما يكون مافي حاجة في إيديا
بكرة الجو ياناس يحلو
وأقول هأو بعزم مافيا
بقلم طارق السيد