الشاعرة/ياسمين عبود تكتب (إضحك غني )

إضحك غني
خلي الضحكه ترن بصوت
خلي الدنيا
تحس بجد انك مبسوط
إضحك وإفرح
إوعى دموعك خدك تجرح
إوعى تركز
جوه خيالك إحلم وإسرح
إزرع شجرة
شجرة حب جواك تطرح
إضحك وإفرح
إفرد وشك كده لو تسمح
إنسى الضلمه
ولأبوابك ولشبابيكك
 كلها افتح
خلي الشمس
تلاقي ف كل مكان كده مطرح
علي السقف لكل أمالك
 خليها تشطح
اضحك اضحك
من ايامك او احلامك او من خيبتك
افرح اضحك
عمر الفرح ما قلل هيبتك
وعكس الضحك
عمره بردوا ما زود قيمتك
عكس الضحك
عارفين اسمه
اصلي صراحه
 مش هجيب سيرته
يخربيته ويخرب شورته
اضحك وافرح
ف الايام اتغزل وامدح
أما مشاكلك
هات استيكه علشان تمسح
جمد قلبك
خش بصدرك ع الافراح
وبلاش تستسمح
اضحك اضحك
واوعى الناس لدموعك تلمح
#ياسمين عبود