الشاعر/محمد البريمي يكتب(ذكريات طفولة )

ذكريات طفولة ..
تعالى نعيد الماضى من تانى .. و إحنا لسه صغيرين .. ..

بنرسم أحلام و أمانى .. و عريس و عروسة من الطين ..

و أنا و أنت فى عالم تانى .. و الشوق و اخدنا و تايهين ..

و لا حد فينا أنانى .. و اللقمة نقسمها إتنين ..

ع الترعة و جنب الساقية .. و النسمة علينا تميل ..

و الزرع حوالينا و المية .. و الهوى صافى و جميل ..

و نعيش مع شدو الجمرية .. لما تغنى و تميل ..

وكأننا ياسين و بهية ..  نحكى و نقول مواويل ..

فى الجناين و الغيطان .. ياما كنا بنتقابل ..

و لا يهمنا أهل وخلان .. و لا نعمل حساب لعوازل ..

وحبنا يملا الوجدان .. و الإحساس بينا متبادل ..

لا قساوة بينا و لا حرمان .. و الود بينا واصل ..

بقلم الشاعر .. محمد البريمى ..

.