👇بتحب الشعر لأ إطلاقا"
أنا أصلا" لما غويت الشعر
كات لحظه طيش
عيل حاسبينه من الدراويش
عاشق حضره بيلف
على كنوز الشعرا
يشحت له بيتين
مجذوب للقافيه وللأوزان
عايش على هامش الدواوين
زاده في الدنيا دي لقمه عيش
طب عندك حاجه
تتقال في أفيش لا ماعنديش
أمال بيقولو إزاي شاعر
الشعر يامولانا
واحد في الدنيا دي حس مخباش
بيقول للخلق عيوب ومزايا وشوش
الشعر ده جنيه
بتسحب روحك وتجيبك
من سابع سما لأسفل أرض
الشعر ياسيدي كل كلام
إتقال م القلب إن دق لسان الحق
اللى أسيادنا مابيعرفهوش
وأقولك
أنا واحد كداب فعلا"
أنا واحد من زمره عاشقين
نسل محبين
بيحب الشعر ده جدا" بس الأشعار مابتعرفهوش😫
✍️
#عمروربيع_خلاف
ليست هناك تعليقات:
إرسال تعليق