الشاعر/محمد البريمي يكتب(جرح الحبايب)

قصيدة .. بعنوان جرح الحبايب .. فى ثوبها الجديد ..

جرح الحبايب أصعب من جرح ناس تانيين ..

       أعذروني أنا مجرب .. من أقرب الأقربين ..

   ياما اكلنا في طبق واحد .. و عشنا أحلي سنين .. 

     فجأة راح و سابنا.. و دموعنا علي الخدين ..

     ياما فتحنالهم قلوبنا .. و لا خبينا عنهم سر ..

و ده من حسن نيتنا.. و ضميرنا الحر ..

     كنا فاكرينهم حبايب .. أتاري  السنين بتمر ..

      أخدوا الحلو فينا .. و راحو و سابولنا المر ..

      جرح الغريب أهون عليا من جرح الحبيب ..

            لو جرحني كل ساعة و كل يوم أقول نصيب ..

     أما جرح الحبيب صعب أنساه و ألاقيله طبيب ..

   و أه من عذاب القلب لو يعشق حبيب .. 

            ياما إنجرحت و اللي جرحني أعز الأحباب ..

           جرحني في قلبي و راح و سابني و لا فكر يبعتلي   جواب ..

       يقولي آسف .. أو .. يعتذر و لو بكلمة عتاب ..

مش يسيبني للريح ياخدني .. و يرميني في بحرالعذاب ..

راحوا فين حبايبي ..      اللي عاشرتهم زمان ..

         كانو دايماً جنبي .. وباحس معاهم بأمان ..

           و لا مرة جرحو فيا .و لا شفت منهم حرمان ..

  غير كل عطف و حنية .. و جميلهم علي راسي كمان ..

من نظم شاعر .. البحيرة .. محمد أحمد البريمي