موسيقه كلاسيك

الأربعاء، 1 أغسطس 2018

الأستاذ/سيد الشاعر يكتب(أنا خارج حدودك )

انا خارج حدودك.
هروح مطرح ماروح.
خلاص
فعلا وجودك.
عندي مش مسموح.
سبت الألم في بلادك
صدقني بعد بعادك
لا هعرف دموع ولانوح.......
أرضك مزروعه فيها
حبوب مليانه موت
بعدت الليله عنها
هربان حزين مكبوت
ولسه شامم منها
ريحه الوجع بيفوح.
انا خارج حدودك
هروح مطرح ماروح
ليا حاجات سايبها
ايه خلاك تجيبها
مستغني عنها كمان
خليها دي ذكري مني
تفتكر بيها ال كان
عن نفسي مش لزماني
ولا هرجع ليها تاني
إنتهي زمن الحنان
وأبتدا زمن الجروح.
أنا خارج حدودك
هروح مطرح ماروح.
القلب منك بكي
والف مرة إشتكي
دبلت جواه العيدان
والطبع فيك هواه
كرهت معاك الحياة
وزهقت م الحرمان
قررت خلاص هسيبك
وأرحل وأناالمجروح...
..... بقلميsayed elshaer

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...