الشاعرة/صفاء مصطفي الخواجة تكتب(مين حبيبها )

مين حبيبها؟؟؟
سألوا قالوا مين حبيبها؟؟
إللي جوه حروفها غنوة!
وإللي عايشة لِيه بتكتب.
ليه بتتغني بحنانه؟
وإن زيه مافي ضحكة
ناسية كل الدنيا ديا
وبكلامه تقول وتحكي
هي غايبة ف دنيا حلوة
كان راسمها ليها غية
وف وجوه الناس بتسرح
شايفة صورته جوه منها
مالي كل النبض فيها
مش سايبها لأي حيرة
بيحاورها ويجاوبها
بيشاركها أي فرحة
ويداويها ف كل غيمة
مش سايبها تبات حزينة
أصله لما أختار يسيبها
راح لربه. وكات صغيرة
كان مأسس جوه روحها
دنيا باينة ف كل بوحها
فيها حب معاه سعادة
وف حروفها مكفياها
أيوا هو ده حبيبها
إللي عمره ما يفارقها
و إللي عايشة والأماني
إنه ييجي ويقابلها
وف لقاه ترتاح وتهدي
جوه جنة مكتوبة لهم
فيها مآوي سرمدية
للي يعشق يوم ويصبر.
((بقلمي/ صفاء مصطفى الخواجة ))