الشاعر/سعيد عباس الضو يكتب(حبيب القلب )

(( حبيب القلب))
وبالعند في عنيك هاكتبلك
واسبب لك ألم ف القلب
وكل حروف الشعر هدوبلك
واسقيك فيها نار الحب 
واحط الكلمه ع الكلمه
تكون قمرايه مع نجمة 
وبينهم يبقى حروف الجر
عشان تنسى ف يوم تتغر
وانقشلك ع القمر أسمى
وع النجمه كمان رسمى
وف شعاع الشمس انفاسى
ووييا عبير الورد إحساسى
هخللى الدم ينبضنى
كمان القلب يقبضنى
هخليك تشربنى ف الميه
شويه شويه ب حنييه
يعنى مش هتلاقى هروب منى
وطبعا مفيش غنى عنى
فلابد هتلف وتجيينى
تقولى ارجوك احيينى
وأنا بالطبع يبقى ليا شروط
تفضل ب قلبى حتى الموت
واخللى القمره تضحكلك
نجوم الليل تكون أهلك
عطارد بنفسه هيندهلك
يقولك امشى على مهلك
وازرعلك ف قلبى زهور
وافرش لك طريقك نور
واحنى ب الورود خدك
اخللى الكون على قدك
افصلك م القمر فستان
وازرعلك مالنجوم بستان
اخللى الشمس يجيلها كسوف
وتقولك اعملى معروف
وقمر الليل يبات سهران
يغنيلك لجورج وسوف 
سعيد عباس الضو