الشاعر/صبري قنديل يكتب(وكتبنا القايمة )

وكتبنا القايمه لعروستنا
من بعد ماخربت عيني بتنا
وبعنا محصولنا وغيطناوعلينا
ديون
وعريس الغفله المستكتر
النفقه وفلوس المأذون
وحماته الحلوه الشملوله
بتقولك انا بنتي الاولى
في ذوقها والشعر خواتم
وعنيها بتسحر عسليه
والوسط كمان مية المية
وجهاز بالقسط ونمليه
طب ايه كان غصبك ياوليه
الرحمه ياعالم مشلولة
ليه نسبكم اصبح بخسارة
والجيزه بسببكو تجاره
عريسنا عينه علي جهازها
وجمالها مش ذوق وشطارة
وعروستنا عينها علي فلوسه
في البنك وفيلا وسيارة
وبنات في بيوت فاتها الجيزه
علشان ماغلابه ومش قدرين
يجيبو جهاز زي الجارة
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
بقلمي صبري قنديل شاعر العرب