قوليها لو مره وحده
بحب اسمها انا منك
يا قليلة الكلام ...
ده اول حرف بس منها
بيخدني فى دنيا تانيه
منتهي منها الظلام ....
دنيا و سكنها نور
عايشين فيها بنات حور
وهواها بريحه الظهور
بيشبه جنه الأحلام ....
قولى ياللى انت ساكت
هى الكلمه دى ليها تمن
طب ولو كان ليها تمن
قولى بسرعه السعر كام ....
صدقني من غير تردد هدفع
علشان منها عايز استمتع
اصلها كلمه جميلة منك
طلعه من جوه قلبك الخام .....
سهل جدا عليك يا حبيبي
تحط ايدك على فمك
علشان ما تتكلمش ...
لكن من الصعب جدا جدا
تحط ايدك على قلبك
وتقوله لا متتألمش ...
صدى صوتك من الألم
وشعورك انت بالندم
هيعلم على جدار بيتك
ومش هيرحمك فيوم
ولا عمرو هيضعف ليله
ويقولك استحمل بقي معلش ...
فامتحرمش قلبي انا العاشق
من كلمه منك بتديله الحياه
وانت للقلب ده دقاته
ومن الاحزان كنت انت دواه
والفضل ده يرجع من كلمتك
اللى بتخليه قادر يعيش
قوليها ياريت ومتخفيش ..
انا من غيرك مقدرش اعيش .....؟
بقلم .../ عاطف بيومى محمد
ليست هناك تعليقات:
إرسال تعليق