الشاعر/صبري قنديل يكتب(الدنيا )

الدنيا ماشيه
فوق جرحنا
تدوس
فيها الفقير فيها الحقير
في توب سفير
فيها البخيل بيداري
نعمه ربنا
فيها قليل البخت
عاش الحياه منحوس
فيها اللي توبه من حرير
فيها اللي عاش بلبوص
فيها حكيم العقل
بكلامه يدي دروس
فيها الخسيس الغبي
كره نفوس في نفوس
فيها اللي صان حرمته
والعيب مابيحبوش
وفيها اللي باع حرمته
وكرامته لجل فلوس
فيها اللي خاف ربنا
والفرض ماتركهوش
فيها اللي كله معاصي
بيت ربنا مازروش
فيها اللي فعل الخير
وفيها اللي مافعلهوش
فيها اللي وشه كيشر
فيها اللي وشه بشوش
يابني البشر بالقلب
مش بس مال ووشوش
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
بقلمي صبري قنديل شاعر العرب