موسيقه كلاسيك

الأحد، 22 يوليو 2018

الشاعر/فرج السقا السقا يكتب مربعاته(لونيني بورد نيلك)

بعض المربعات رد علي قصيدة( لونيني بورد نيلك..) ﻻستاذي واميري وامير شعراء العاميه
الاستاذ معوض حلمي شاعر عامية
اضعها علي عتباته وارجو يرضي عنها وتنال اعجابكم
( يابلدنا مدي ايدك)
سلمي عالمشتاقين
فرحيهم يوم بعيدك
وامسحي قهر السنين
.........................
يابهيه نار وقيدك
حارقه دم المطحونين
يابلدنا حلي  قيدك
عرفيهم انتي مين
........................................  
يابلدنا مدي ايدك
طبطبي عالطيبين
طببي جروحهم بطيبك
عرفيهم رايحه فييين
..............................
يابهيه.ياأبيه.وياصبيه
جايبه صبرك ده منين
لسه صامده ومتعافيه
وفايته فوق ضهر السنين
..............................
العتاب يا حباب محبه
وانت  نن  لكل عين
يابلدنا خفي حبه
هو حقي فيكي فين
.........................................  
الدﻻل في العشق غيه
واحنا فيكي معشقين
بس عندك زاد شويه
خفي حبه!!  حبتيين!
.................................... 
يابلدنا انا لسه عايش
عضمتين ولسان وعين
اعمليهم ليكي آيش
يسند ضهور الشقيانين
................
او كلبش ..اقصد غوايش
حطيه في ايد المجرمين
او بيعيهم لل...هوامش
وفرقيه ...عالمحتاجين
فرج السقا

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...