الشاعر/نبيل الورداني يكتب(كل سنة وانتم طيبين )

كل سنه إنتم طيبين
مانتو دايما طيبين
شعب طيب قال بطبعه
شعب اطرش
مش ف سمعه
شعب اهبل من سنين
جوه قلبه تلقى دمعه
نهر باين ف العنين
وما يشقى يشقى غلب
اصل غلبه إبن كلب
لو تشوفه تقول دا مين
والحنان جواه بيطرح
يكتمه دايما بشوق
اصل حزنه له حقوق
والحقوق واكلها مين
اللى واكل كل ناسه
واللى مش لابس مقاسه
بس قوللى هو فين
مش ح تاخد منى رد
مش بهزر لأ بجد
لما نعرف كلب مين
هو هبهب وللا عض
وللا قولك مش لابد
قول سؤالك ياشاهين
مرحبا وبكل ود
لما أهلك مطحونين
ليه تلخبط ف العجين
هو حيلك فيه شويه
وللا شطب من سنين
لم نفسك قول لها
لما تسكن ضلها
تبقى تسأل شمس مين..
  (نبيل الوردانى)