قصيده بعنوان........ الاساتذه
ياما ناس زى النجوم
وسط السما ظاهره
قلوبها أجمل قلوب
من البياض طاهره
................
أساتذة حب وكفاح
ع الحق متعاهدين
زرعوا الطريق ب الخير
ولا كانوا يوم ناسين
................
الكلمة منهم أمان
تروى قلوب الناس
تضوى دروب تايهين
زى الميزان حساس
...............
غرسوا المبادئ فينا
ب الحكمة و الأفكار
قبل أما شيئ يغوينا
فى بداية المشوار
.................
ب العلم زانوا الطريق
حاربوا فى وسط النار
والورقه ويا القلم
تحكى كتير أسرار
...............
عدى عليهم ياما
من البشر ألوان
والفضل يرجع ليهم
ف سلامة البنيان
................
عاشوا الأساتذه هيبة
بعد الزمان بزمان
فى دنيا والله غريبة
ماشية على النسيان
................
يادنيا فيكى العجب
بتكرمى العريان
والخبرة فيكى إتظلم
والجهل صار له مكان
كلمات الشاعر محمد ثروت عبد الحفيظ
ليست هناك تعليقات:
إرسال تعليق