موسيقه كلاسيك

الاثنين، 30 يوليو 2018

الشاعر/سعيد عباس الضو يكتب(رسمتك سهم )

رسمتك سهم بين قلبين
وكاتب تحتهم حرفين
ملونهم ب لون أحمر
لون الدم ف الشرايين
رسمتك عصفورة فكتابى
على حيطانى وعلى بابى
على ورق الفل والياسمين
وعلى المنديل في دولابى
ب اشوفك ساعات قمرين
قمره ف السما وف العين
ولو مش إنتى ف الدنيا
كان ممكن أعيشها لمين
جمالك شىء مش عادي
وقلبى عليكى ب ينادى
وهو نايم وهو صاحى
وحتى فى يوم ميلادى
دى روحك كل ما ليا
وقلبك حلم فى عنيا
تروح روحى من الدنيا
وتسكن في الوريد هيا
بشوفك نجمه ف سمايا
ونبته طالعه جوايا
ساقيها من دموع عينى
ف طلعت أحلى وردايه
رسمتك حروف لولى
ب ماس ولكنه بلورى
يدور الكون ورا منك
مكان م إنتى بتدورى
سعيد عباس الضو

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...