موسيقه كلاسيك

الجمعة، 20 يوليو 2018

الشاعر/محمد مكاوي يكتب(تقاليد وعاداتك )

تقاليدك و عاداتك
       ......
نسيناها رميناها
وكانت من علاماتك
وقلنالك كدا عيدى
موازينك حساباتك
داحنا ف وقت
غير وقتك
كفايانا حكاياتك
اخدتينا و جبتينا
و عشنا فى صراعاتك
خطاوينا مشيناها
و توهنا فى متاهاتك
و ضعنا فيها و ضيعنا
تقاليدك و عاداتك
        ....
صبيه اسمها زينب
ولا تعرف سوى زيزى
كل همومها ف الموضه
ولو راحت تكت ايزى
ودا احمد صبى اوحد
ولا يعرف سوى ميدو
سلاسل من على صدره
غوايش من على ايدو
و دى نانا و دا مشمش
و دا ميمى يناديهم
ولو جينا نناقشهم
هنصبح من اعاديهم
        .....
شوارعنا بقت زحمه
ولو نرجع لماضينا
نلاقى نفسنا كنا
نساعد من كبر فينا
ودلوقتى بنتحرش
و يا حلوه وحشتينا
و دى تبرز مفاتنها
و شيطانها بيغوينا
و بلوى من بلاوينا
و ياريتك منعتينا
طريقك له علينا حق
نسينا لأ تناسينا
       ....
زمن عدى ولا نرفع
عينينا فى اهالينا
ودلوقتى ولد فاسد
وساوس جت تناديله
ضرب اهله سرق ماله
على كيفه سهر ليله
تقاليدك نسيناها
وقلنالك هنتأخر
و ربى لو رجعنالها
هنبنيكى و هنعمر
و ترجعلك حضاراتك
و امجادك هتتكرر
....................................
محمد مكاوى
عضو رابطة الزجالين وكتاب الاغانى

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...