الشاعرة/فاطمة عبد الشافي تكتب(مرت الايام عليا )

((*مرت الأيام بيه*))
    **  **  **  **
وظلم إبني بان عليه
    ولا عت عارفه
العيد الصغير من الضحيه
      وإبني الوحيد
       شيفاه سعيد
عايز ياخدني لمكان بعيد
معقول ياإبني بعيد عن حضني
       هتكون سعيد
رد وقولي دا كلام أكيد
هو أنا بقيت عبئ عليك
رد قولي وعيني فى عنيك
دا عمري كله وهبته ليك
     معقوله ياعمري
     أناأهون عليك
جاي تقولي لمي يامه
        الهدمتين
هاخدك فى رحله أبصر لفين
تغيري جو كدا جمعتين
ياواد جاي تضحك على مين
انا أصلي سمعت مراتك
    بتحلف لك يمين
   وتقولك أنا لاهيه
البيت دا مايسعنيش أنا وهيه
عايزه أعيش معاك فى حريه
طب أنا مضيقه عليكو في إيه
قولولي بس دا كله ليه
بذمتك حاسس بوجودي أنا معاكم
        رد قولي
للدرجه دي حبي ليك
يتقلب عليه لأسيه
يااااااه ع المرار اللى فى حلقي
عشت عمري كله فيك أربي
إيه جنيته انا وإيه ذنبي
ابوك مات وأنا لسه صغيره
فاكر قضيت عمري إزاي ياتري
كل رغبه جوايا خنقتها
     عشان إنت تعيش
جوه روحي حبيبي دفنتها
    وقولت غيرك مافيش
وعميت عيوني عن الرجال وقتها
وقولت غيرك إنت ماليش
جاي دلوقتي تكافئني
بعيد عن بيتي بتبعدني
وبكل قسوه بتظلمني
يارب الكون ريحني
وتسترني ماتفضحني
كفايه إبني اللى جارحني
وغيرك إنت يارب ماليش
.................................................    فاطمه عبدالشافي