قلبى لوح تلج
*******
اعتزلت الحب بعدك
لما قلبك قدر يجرحنى
لما قدرت عنى تبعد
وتروح لواحدة غيرى
قلبى خلاص علمته
ازاى يكون فى بروده
اصبح مثل لوح تلج جامد
ويلعب بالقلوب الضعيفة
بغمزة عين ورفع حاجب
تركع امامى قلوب كتيرة
وزى ما عملت انت فيا
بحطم قلوب عشاق كتيرة
كنت زمان وردة جميلة
تتفتح لما بشوف طيفك
كان طيفك دايما حضنى
وجوه عنيه مخبينى
ايه غيرك وخلاق بالقسوة ديه
تحب وتهجر وتسيب
وراك قلوب جريحة
دمها بيسيل وينزف
وانت تشوفها وتضحك عليها
وتقول عليها كمان قلوب عبيطة
مش حسمحك على اللى عملته فيا
وزى ما جرحتنى وبكتنى
حبكى قلوب غيرك
واحط قلبى فى تلاجة باردة
ولا اقربه من الحب ولهيبه
خلاص اتعلمت الدرس منك
وجعلت قلبى لوح فى تلاجة
كريمة دومة
ليست هناك تعليقات:
إرسال تعليق