ليه تظلمني
----------
ليه تظلمني وتظلم قلبي
مع إنه .....إدالك حبي
وعشان واحدة أنا باكرهها
بتسيبني ...... وتفكر فيها
وانا عارفة مكرها وخداعها
لكن انت ....عاشق معاليها
ليه تحرمني أنا وولادك
تاخد قوتنا ......وبتديها
راح تفضل تاخد أفضالك
ولا يوم أبدا ..يطمر فيها
كل ما اقولّك سيبها تسيبني
وبتظلمني..... وتعذبني
بعد ماتاخد كل ماعندك
راح ترميك في النار ياتاعبني
ليه بتخبي ولادي ...عن عيني
ليه تحرمني أشوف نور عيني
وان كلمتك يوم........ توعدني
إني حاشوف أفراح ..تسعدني
وماشفتش منك ..يوم فرح
وماشفتش غير ذل وجرح
وكلامك أكاذيب مع وهم
بطل كذب.. وخليك شهم
أنا عارفة طريقتك.. وخداعك
وبتفرد دايما ......ف شراعك
لكن المركب بيك .راح تغرق
يومها ح تعرف من أوضاعك
مين حبك ..وكمان مين باعك
وح تندم علي.. ظلمك فيّه
ولا حتلاقي ف يوم .حنية
واللي ف يوم حبيتها عليّه
حتدوّّر علي تاني ضحية
ياما شبعت وعود.. .بكلامك
دنا راحتي ..وانا مش قدامك
إبعد بقه عني...... بأوهامك
مش طالبة ولا حتي سلامك
سامية سليمان محمد
ليست هناك تعليقات:
إرسال تعليق