الشاعر/ابراهيم معوض يكتب(في حضن عش الهوي )

ف حضن عش الهوى
قاعد ومستنى
وحبيبتى جايه هناك
لما بشوفها بغنى
فتح الهوا الشباك
يحكى لها كمان عنى
إكمنى غشيم أوى
وهى حته نور
كل ما اجى أبوح
يهرب كلامى منى
طير ف وسط الدوح
عايش ومتهنى
ع الحال دا بقالى سنين
وف يوليو كل عام
نقعد ونتذكر
لما أرض الجمال
طرحت عيال أكتر
والطرح كان أخضر
قمر فى وسطيهم
لمن تكون مبسوطه
تتعب أكون تعبان
أعود كما العود
وف حزمه مش مربوطه
أجرى عليها أوام
أروى الخضار ميه
ترجع لى ضحكه عفيه
من جوا قلب صبيه
طالعه من الألبوم
فاكره حبيبتى اليوم
كان أحلى ايامى
لما صحيت م النوم
وكملتى أحلامى .....
=======
إبراهيم معوض