(تخاريف )
...احنا الإعلام
كله مظبوط والصوره تمام
تذكره المترو بقت ب جنيه
وطبق الكشري بنص جنيه
واللحمه بتتوزع ببلاش
ده العيش بقي في منه جلاش
لسه البنزين ذي م هو
ودواك يا مريض مهوش غالي
المستشفى نضيفه من جوه
والتعليم بقي ف العالي
تسلم يا رياسه
طبقت العدل
ذي م مكتوب في الكراسه
نختم بقي بنشيد الوطن
ونقول للشعب سلامات
استنونا الجمعه الجايه
وموعدكم مع...
مصر في الإعلانات
.... ممكن فتوي يا سيدنا الشيخ ...
ليه ساكت ومطنش يا اللي
ربي وهبلك علم تملي
بإيدك تقلب بيه موازين
كلمه حق وسط الناس
بقت نادره كما الألماس
شايفين الفقراء بتنداس
والايد ع الخد وساكتين
فين الامانه يا شيخ
م تصحي بقي وتفوق
العلم كله ف راسك
ولساك ف العوج بتسوق
الصبر يا ابني الصبر
م هو من زمان صابرين
ربك لطيف بعباده
قادر علي الظالمين
والنصر شايفه قريب
ادعو وقولو امين
....
الحلم طال والطفل عمال بيعافر
والشعر شاب والعمر سابنا وراح سافر
والحق مات والظلم طلعتله ضوافر
واللي بينطق كلمه حق
خلوه إرهابي وكافر...
م/محمد عيد
ليست هناك تعليقات:
إرسال تعليق