الشاعر/محمد البريمي يكتب(أصحاب الكيف )

أصحاب الكيف ..        روحت ليه لأصحاب الكيف ..        لما خلو الجيب نضيف ما فضلش معاك و لا مليم ..    و الحالة عندك صبحت جيم بعد العز و النعيم ..      صبحت تنام عالرصيف ..         و تقول لله يا كريم إرحمني م الجوع يا لطيف ..          طاوعت نفسك و الشيطان ..          و بعت اللي حيلتك يا غلبان ..            عشان تاخدلك نفسين ..              مع شلة من الشياطين ..         سيجارة لف مع تعمرتين ..            و السهرة تحلي يا نور العين ..          مع هزة شمال و هزة يمين .. و آه و آهين ورقصة جنان .. ليه طاوعت هواك و مشيت مع التيار كان إيه اللي رماك في طريق نهايته دمار ..                دوست عالنعمة برجليك ..          وروحت م الدار للنار ..             وسبت الحظ يلعب بيك ..            وسلمت نفسك للأقدار ..         بعت عفش البيت فاضل إيه حتبيعه و لا أنت نويت .. البيت كمان تسيبه وتشوفلك سكن جديد تاخده علي عيبه ..               و تبتدي عهد جديد ..               مع الحظ و ألاعيبه هانو عليك حبايبك  سبتهم للعطش و الجوع ..           هو الحرام مش سايبك..              و لا إنت فيه مخدوع ..         خلاك تسيب حلالك.. و تدور علي الممنوع .. دا هو اللي أبقالك من حرام مسموع .. و الله المستعان