الشاعر /محمود صلاح يكتب(إتبدلت الأحوال )

اتبدلت الاحوال والشمال اصبح يمين  والنفوس عايزه غربال يبين الفاسد م الرزين. اتبدلت الاحوال وسكة الحياة قضبانها اتعوجت والناس بقت سكتهم عوجة والعيون بقت معودة   وغربان الظلام ع القلوب هجمت ع الغلابة الشقيانين. كانت القلوب نبت اخضر تسقيها يدوب تطرح اكتر حب وطيبة وفل وياسمين. خدت الدنيا م العمر رقات شدت زمامها واتكعبلت فى شوية حاجات قالوا حضارة وحبة شطارة بقينا على امرنا مغلوبين.      الكل عارف عمر فرحة مقاسة كام والحقيقية  ان جرحة اساسه مزروع بحبة كلام من  ناس فتايين. فينا اللى كان طيب صاحب مينا لسه  قريب شاف شاشه سودة قال انا كنت فى عايم فى موجة وغرقت ويا الغرقانين. الحكاية مش عتاب ع الزمن ولا تعبنا من شوية محن الحكاية فى النفوس اللى صابها العفن بتلعب بينا واحنا راضين. نسمع كلام الحق. نحس كأن القلب هينشق  ودموعنا م الخشوع برق وندعى ونقول أميين. يدوب تعدي دقايق وتتبدل كل الخلايق وينكتب على الوشوش الكل مضايق ظلمنا نفسنا ونقول احنا المظلومييين.