موسيقه كلاسيك

الخميس، 19 يوليو 2018

الشاعرة/صفاء مصطفي الخواجة تكتب(وياما علينا عدي )

وياما علينا عدي كتير
دقايق عمرها بسنين
دموع فيها تئن..أنين
ضاعت فيها قلوب مساكين
مابين فُرقة كانت مُرة
وبين صرخة خدت فرحة
طوتها جوه حزن دفين
وياما علينا عدي كتير
ليالي فيها بنحاول
نقوم من كبوة لمشاعر
دايسها الظلم من قاسيين
راحت فيها ثقة حالمين
ياما أتمنوا يلاقوا قلوب
بياضها الفل والياسمين
وياما علينا عدي كتير
ضلام سكة وعذاب ضايعين
خطاوي التوهة واخداهم
راحوا وتاهوا مع التايهين
وياما علينا ح يعدى
حياتنا قطر. بيهدي
ويرجع تاني. بيسرع
مشيب يملا. مفارقنا
لا نعرف إمتي نهايتنا
ولا إمتي فراق غاليين
وكل دعانا. لخالقنا
ما نبقي ف درب للآثمين
ياخدنا. جوه. رحماته
ومعدودنا من التايبين
((بقلمي/صفاء مصطفي الخواجة ))

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...