الشاعر/صبري قنديل يكتب(لو هتعرف )

لو هتعرف مرة قيمتك
مستحيل هتبُص فوق
والتواضع شيء جميل
اصل يابني العلم ذوق
والكرامة اغلي حاجة
وكل واحد ليه حقوق
اوعي يوم تتغر يابني
من غرورك اصحي فوق
واذكر الله اللي خلقك
انبت البذرة في شقوق
اللي خلق الليل بقمره
وفي النهار شمس وشروق
لو هتعرف مرة قيمتك
مستحيل هتبُص فوق
ادعي الله بالهداية
للعاصي وللي تاب
اقرأ  من كلامه إيه
خلي عينك عالكتاب
لجل ربك يرضي عنك
في قيامه ويوم حساب
واللي عاش موهوم
في غفلة راح نهايته
تكون عذاب
واللي خاف ربه وضميره
في الجنان ليه الف باب
فوق وخاف الموت ياصاحبي
السنين بتجري فوق
لا وفي لحظه الموت يجيلك
تلقي نفسك عنده فوق
راح تقابله بأي وش
وانت ظالم ناس بظلمك
وانت واكل للحقوق
وانت كنت تعيب في سيرة
الصحاب والا الجيران
والاتنهش عرض حرمة
ولا بطنش آذان
فوق واصحي يابن آدم
قبل مايفوت الآون
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘;
بقلمي صبري قنديل شاعر العرب