الشاعر/محمود صلاح يكتب(تعظيم سلام )

بضرب لها تعظيم سلام. حبيبتى اللى شايله عنى حمل البيت.  وبرفع لها فى الهوى احلى كلام. وبقول لها انا من غيرك يارتنى ما جيت. هى الضلة وقت الشمس هى البسمة وقت اليأس. وهى اللى من ايديهااكلت وتعشيت. راسمة فى كل ركن زهرية فلاحة وبنت عصرية. استاذة وست مصرية. طباخة ميه فى المية. تشوفنى أكلت تقولى سميت. بشوف كلامها عن حالى. عايزه مستقبل عيالى ندبر م البطون مالى وتقولى انا جنبك ياغالى انا ضهرك وبيك انا اتعليت. كلامها فى القلوب بلسم والرب شاهد والاعلم. مؤمنة ومعاها للجنة بنحلم. تصلى وتقولى هل انت صليت. ساعات ذى كل البيوت نتخانق على امور سهلة وبسيطة. ولا حد يسمع م الخلايق ولا نعمل دوشة ولا زيطة. ونرجع من تانى نتعاهد ونرسم لحياتنا خريطة. تبوس خدى وايديا وتقولى انت نور عينيا وياريت عنى تكون رضيت. هى فى الهم شيلانى وحافظانى وعجنانى ومهما ضاقت عنى فى يوم مالاقيها سيبانى. وانا من غيرها كنت م الدنيا ماشيت