الشاعر/منتصر عبد النبي يكتب(سلام )

. . . سلام . . .
سلام . سلام . سلام
علي ناس بتحس بحزنك
من غير أي كلام
ويسالوك عن حالك
ويقولوا يا ابني مالك
إهدي وريح بالك
وسيبك من الأحزان
ويخرجوك من حزنك
بكل حب وحنان
سلام واجدع سلام
علي ناس بتحس بيك
مش عايزه منك حاجه
غير إنها تشوفك
مبسوط كده وفرحان
شكرا
شكرا ليكي يا أختي
لما حسيتي بحزني
المستحيل عملتي
وجيتي علي نفسك وتعبتي
مع إنك مش أختي
ولا حتي من عيلتي
إحساسك ياغاليه بيا
حاجه كبيره عندي
يساوي عندي الدنيا
وسلام بمعني سلام
سلام لناس انانيه
ميجيش من وراهم
غير كل غدر وأسييه
من بعد مابعنا الدنيا
علشان نرضيهم
مهما عملنا معاهم
مفيش فايده فيهم
و أريح حاجه لينا
من غير عتاب وكلام
نقوللهم سلام
. . . بقلمي
                 منتصر عبدالنبي . . .