ردى على قصيدة...... الشاعره جهاد زياده
القصيدة..........
القصيدة نبض شاعر
عاش يكافح ف الحياة
مهما خوفه كان يطوله
كان يدور ع النجاة
ينفض الهم ف سطوره
يرسم الفرح ف سماه
القصيدة مش كلام
يتكتب وقت الهيام
يصبح الصبح نلاقية
راح وتاه وسط الزحام
القصيدة وزن تام
مع موسيقى ب التمام
تجلب الفرح ف قلوبنا
تحيى فينا حلم نام
القصيدة ساعات تكون
ليها شكل وليها لون
لما يبقى النبض صادق
مش مجرد سوء ظنون
القصيدة ياخلق حالة
مش مجرد سد خانة
والحروف زى الأمانة
تضوى ف القلب الحنون
القصيدة عايزة نور
جوه سجن بألف سور
واللجام خانق وجودها
صار مانعها م الظهور
القصيدة صوت وصوره
ذكرى ع الرفوف مركونة
لما نحكى عنها تبقى
عبرة ف الدنيا الغرورة
فيها همسة للخلايق
ع اللى كان فى نفسه عايق
واللى خان من غير ضرورة
واللى واكل حق غيره
واللى مات جواه ضميره
واللى باقى منه صوره
كلمات الشاعر محمد ثروت عبد الحفيظ
ليست هناك تعليقات:
إرسال تعليق