شوقى ليكى أكبر من اللى إعرفت أقوله
شوقى ليكى شوق عطشان واقف بطوله
شوق عاشق لحبيبته لما تضمه
بعد مانهارت قصوره
شوق ولهان للمسة إيد تمسح على عوده
شوق الأرض لنقطة مطر تحييها
شوق محروم من شفايف حبيبتهاللى سرحان فيها
يعيش عمره يحلم بيها
انا كل ده واكتر......لوتفهمى
شوقى ليكى حلم
اضمك فيه لصدرى
شوقى ليكى أكبر من إسمك وإسمى
شوقى ليكى إتنين دابو فى بعض
لحد ماختفت الأسامى
ردت وقالت إطمن أنا ف حضنك
لا......
أنا إللى ف حضنك بين إيديكى
حاسس ولامس كل إللى فيكى
حاسس بشوقك......بأنفاسك
حضنك....إيدك...حتى الهدوم إللى عليكى
حتى الهدوم اللى عليكى
بتنادينى
بتقولى وحشنى
يكفيكى الشوق ده وألا لسه
يكفيكى إنى ببقا نفسى أحضنك
ببقا نفسي أدوب جواكى
بين ضلوعك
بين الحنايا إللى موجوده ف إيديكى
لكن
يا خساره
دايما كده
مابتهناش عليكى
ولا حتى بالحق أحضنك
ولا حتى أبوسك من بين عنيكى
#ناصر عطيه
ليست هناك تعليقات:
إرسال تعليق