الشاعر/جان زهر يكتب(يهودية الدولة )

" يهودية الدولة وابو العبد!! 🤣🤣🤣 " 🌇جان زهر 🌇بقلمي (سياسي ساخر للترفيه)
باللهجة الفلسطينية
**********************************
__ له  له له يا ابو العبد شو عامل بحالك،  وايش اللي رابطه بايدك وعلى زندك وحاطت على جبينك وجدولتين منزلهم تحت هاي البرنيطة الغريبة اللي حاطتها على راسك؟؟؟؟!!😜😜😜
__ يا خيا ابو الياس،  ما سمعتش القانون الجديد اللي طلعتلنا فيه حكومة نتنياهو القانون الصهيوني العنصري اللي سموه يهودية الدولة؟؟!!🤣🤣🤣🤣
__ سمعت خيا ابو العبد بس ما فهمت شو بيعنوا في هاليهودية الدولة!! انت فاهم خيا ابو العبد؟؟  شكلك فاهم واللي عاملو في حالك بيقول هيك!!🤣🤣🤣
__ لا والله يا خيا ابو الياس مش فاهم بس قلت لحالي البس زيهم يا ابني واعمل عمايلهم يمكن تفهم شي من اللي بيقولوه عن هاي اليهودية اللي في الدولة بلكي اذا شافتني لابس وعامل زيهم تطلب تتعرف علي وتتطلب ايدي اتجوزها!!؟؟  😜😜😜
__ لأ يا خيا ابو العبد،  شكلها القصة وِعْصَة ومش زي ما انت فاهم، لا هي يهودية في الدولة ولا اذا شافتك عامل زيهم راح تطلب ايدك تتجوزك!! القصة ومافيها هذا قانون عنصري جديد وافقوا عليه في الكنيست الإسرائيلي اسمه يهودية الدولة يعني كل شي بفلسطين بدهم يعملوه يهودي،  فهمت يا خيا ابو العبد والا بعدك مش فاهم؟؟!! 😡😡😡
__ يعني يا خيا ابو الياس،  انا مش غلطان اني لابس زيهم وعامل زيهم مش هذا اللي بدهم اياه.🤪🤪🤪🤪
__ لأ مش هذا اللي بدهم اياه!! بدهم يلغوا كل شي عربي بهالدولة اللي هي بالأساس فلسطين،  بدهم يلغوا انه اللغة العربية هي لغة رسمية ومش رايحين يتعاملوا معنا الا باللغة اليهودية بس وراح يكون الحكي والمعاملات الرسمية بالمؤسسات الحكومية والمجالس المحلية والبلديات وغيره وغيره بس  باللغة اليهودية واللي بفهم والا عمر لا حدا فهم.😡😡😡😡
__ وبعدين خيا ابو الياس شو راح يصير فينا؟  ومين راح يساعدنا ويخلصنا من جنونيات هاي الدولة ورئيسها وحكومته العنصرية؟؟  😜😜😡😡
__ ما بيساعدنا الا سواعدنا خيا ابو العبد،  ما بيحك جسمك إلا ظفرك اما الباقين من اللي بيسمو حالهم انظمة عربية كلهم عبيد للصهاينة ولأمريكا ما بيعرفوا غير لحس الصرامي يا خيا ابو العبد الشعب الفلسطيني هو اللي بخلص حقو بذراعاتو وكل قوانينهم بيقدروا ينقعوها ويشربوا ميتها ويختنقوا فيها خيا ابو العبد 😜😜😜😜
__والله يا خيا ابو الياس ريحت قلبي ورايح عالبيت اشلح شوية هالبرابيش قبل ما اختنق فيهم بس اللي بدي افهمه شو بيعملوا نوابنا العرب اللي انتخبناهم بالكنيست؟! 🤪🤪🤪🤪
__ عملوا اللي لازم يعملوه خيا ابو العبد،  اخذوا هاي القوانين مزقوها وداسوا عليها واللي جاي الله يستر،   شعبنا الفلسطيني مش راح يسكت راح يخنقهم بقوانينهم ان شاء الله وكل شي فلسطيني راح يفضل فلسطيني الارض فلسطينية الهوا البحر الجبال بقول الأرض كلها راح تبقى فلسطينية كل شي معروف بالعالم انه فلسطيني راح يبقى فلسطيني كل طير يالسما بيطير رايح يزغرد ويسبح ربه بالفلسطيني الجاجة رايحة تقرق بالعربي الفلسطيني والديك راح يصيح بالفلسطيني وبقول الأرض كلها راح تبقى تستنشق شذاها فلسطيني قح،   وكل شي كان فلسطيني راح يفضل فلسطيني واولهم القدس العربية العاصمة الأبدية لفلسطين  باذن الله بعد انتهاء الإحتلال اللي راح يكون مصيره مصير كل اللي سبقوه ورحلوا يا خيا ابو العبد روح اشلح هالبرابيش وحضر فنجان قهوة فلسطيني علشان نشربوا مع بعض عندك بارضك الفلسطينية بالهوا الفلسطيني الطلق اللي بينعش الروح على رواق يا خيا ابو العبد يا طيب 😍😍😍
__ انت سامع اللي انا سامعو خيا ابو الياس،  حتى حمارنا ابو صابر عم ينهق بالعربي الفلسطيني وبيقول لحكومة نتنياهو العنصرية طز بقوانينكم وعم يرفصها باجريه  وبيقولهن انتو بتعرفو احنا شو منعمل بهيك قوانين والورقات المطبوعة عليهم لملموها قبل ما؟؟؟؟؟؟؟  !!!!!!🤪🤪🤪🤪🤪
🌇جان زهر 🌇