قلب الوطن [ إهداء إلي الإخوة المسيحيين ]
----------
قلب الوطن ...مقسوم فصين *** بيجري دمه...... مابين اتنين
مسلم مسيحي.... ماهم أخين *** ف قلب يحوي أذسن وبطين
مصر الجسد دول ليها عنين*** وف حب مصر... يأدوا الدين
أنا وماريا ..كنا صحاب *** والباب يادوب. قدام الباب
نكتب سوا ونحل حساب *** ليها كتاب ..وانا ليّه كتاب
كان أهلنا أحسن أحباب *** نقلق سوا ..لو واحد غاب
يوم بعد يوم جانا الخطاب *** من كام سنة...وبقالنا ولاد
وجالها مايكل ...وأنا زياد *** وجالها مرقص وأنا عماد
إتصاحبوا وبيتقاسموا الزاد*** والفرحة ..مع كل الأعياد
وبيفرحوا لو جه رمضان *** وبيسهروا .مع بعض كمان
وصبحوا أكتر م الإخوان *** ولا فيش مابينهم واحد خان
وقلوبهم .....مليانة إيمان *** بمودة وحب ....وبالإحسان
كبروا ولادنا صبحوا شباب *** والحب يكبر ف عيونهم
واما الوطن ....نادي عليهم *** لبوا الندا... لجل وطنهم
إخوان فَرح ...واخوان شدة *** عشقوا الفدا بكل كيانهم
والنصر جه بإدين شايلاه *** والتاج لمصر الكل هداه
قلب الوطن.. بيساع الكل *** والدين دا أمره .بإيد الله
مسلم مسيحي..... لواتألم *** نلقي التاني... يقول الآه
سامية سليمان [ إهداء
ليست هناك تعليقات:
إرسال تعليق