الشاعرة.صفاء الخواجة تكتب/نقاء

نقاء
أحضني بقلبك.
خليني جواك
مش عايزة عوازلي
يعرفوا بهواك
أحضني بعينك
  بحنين وحنان
أيوا أنت حبيبي.
ف نهاري وليلي
والسعد معاك
أختارك قلبي
من بين ألوفات
وشاور لي وقالي
ده طريقي وياك
أنا شايفة عيونك
بتلاغي عيوني
قرب ياحبيبي
ده أنا روحي فداك
أنا بيك ح أنساهم.
إللي مافارقوني.
طول ليلي. دموعي
  وكمان أشواك
غرستها سنيني.
جوايا ف ضلوعي
مشيتني دروبي
ف طريق أحزان
أنا قلبي دليلي.
كان دايما عارف
إن أنا ح ألقاك.
و ح أودع خوفي
واليأس معاك
ده الفرح نصيبي
طول ما انا وياك
أرجوك خليني.
دايما ف البال
وأحضني بقلبك .
خليني جواك
((بقلمي/صفاء مصطفي  الخواجة))