الشاعرة. صفاء مصطفي الخواجة تكتب/أنت قاتل

أنت قاتل...
دمي سايل بين إيديك
قلبي تايه. نبضه غايب
يوم ما سابني وراح إليك
والعجيب. إنك بتنكر!
والغريب إنك. مصدق
خدعة دايما بتناديك
وبعذابي روحت تغزل
كدبة شايفاها ف عنيك
جوه عقلك مرسومة لك
و بآلامها. بتهاديك
ليه بتهرب من حناني ؟
ليه تخلي الشوق ذليل؟
كان منايا ألقي عندك
للأمان. مليون دليل
دي المشاعر جوه منا
زهرة ترويها السنين
مالها سن. ومالها حين!
تبني جوه قلوبنا واحة
للهنا بشعور جميل.
حق لينا و أدهولنا.
كل عُرف. و كل دِين
إنسحابك من حياتي
كان قرار ظالم أليم
و ف وداعك بعت قلبي
وبهوانه بات عليل
قلبي حَبك. لسه رايدك
بس ظلمك كان كبير 
و الرجوع. بقي .مستحيل !
(بقلمي/صفاء مصطفي الخواجة )