الشاعرة. صفاء الخواجة تكتب/ست رتيبة

ست رتيبة. جارتنا الحيلة
جوه عمارة. عم بديع
دايما عايشة ف عصر زمان
تديني قرش.تقوللي هاتيللي
رطلة لحم. أعملها كباب
مع حبة جبنة. و ألبان
وشوية رز. وقلقاس
أضحك وأنزل أجيب ف حاجات
كيلو اللحمة مع السمكات
وشوية كوسة وفرخات
و أقعد أجمع ف الحسابات
ألقي دفعت كتير جنيهات
أدخل ليها. الست رتيبة
ألقي معاها كتير. ستات
تحكي معاها كتير. حكايات
وتقول عاشت مصر الحرة
و فاروق معشوق الروايات
إللي ما خلي مابينا فقير
يحتاج شيء. ولا بات شحات
أصرخ فيها حرام يا رتيبة
إحنا ف عصر الحريات
بعد ما قامت ثورة وماتت
بعدها ناس وكتير نهايات
عبد الناصر. إبن الثورة
يرحم أيامك يا سادات
بعده دخلنا ف عصر مبارك
شوفنا كتير أيامه هوان
فيها فساد ودمار وسواد
قاموا شبابنا بثورة كبيرة
بيسموها ربيع ثورات
حالنا إتشقلب بعدها والله
لولا الجيش والسيسي معاه
خلو لمصر الحلوة. رايتها
عالية و بترفرف بثبات
مهما ح نتعب أو نتعثر
لازم ح نعدي الأزمات
والخير بكره ح يدي ولادنا
ونقول عدي الفقر و فات
((بقلمي/صفاء مصطفي الخواجة ))