#كأِننا_كُنا_إِمبارح
هنا في نفس المكان من زمان
اتقابلنا واتعاهدنا مايفرقنا انسان
صونتي عهدك لا صونت عهدي ماحصلش
واتكتب علينا حتى القاء بيه مانحلمش
دنيا ياااه و ظروفنا يااااااه
وحالنا كمان آآآه يا ولداه
افترقنا من سنين والذكرى فينا والحنين
لو مريت انا هنا اشوف خيالك ويا جمالك
اشوفك على ضهرك ضفيره بلون الليل
وألمح ضلك بيتمايل بخصر نحيل
وأنا زي مانا يوم ماشوفتك أقولك دايب يا جميل.
مريتي من هنا
أكيد مره جيتي هنا طيب فكريني قولتي أيه و بأيه رديتي عليا يا أغلى ما في الكون ليا مهما افترقنا ولا ببعادك سكنت الدموع عينيا انا لسه فاكر كلامك حتى عطر سلامك بعد غرامك.
وكأننا كنا هنا من يومين
والضحكه في سن الشقاوه على الخدين جرينا نسبق خطاوينا وحكينا و اتمنينا نسبق الأيام وينور الحب ليالينا لكن ماكُناش وحدينا
كان الزمن تالتنا وغدر بينا
غدر بينا ومشينا بعيد عن بعضينا لا يوم حاولنا نخطي فوق جراحنا ولا الزمان حاول يداوينا
يا خساره على اللي راح عدى العمر جراح وكأننا ماجينا هنا يوم وحدينا
حسن سعيد ابراهيم
#أيكادولي
ليست هناك تعليقات:
إرسال تعليق