الشاعرة/صفاء مصطفي الخواجة تكتب(أنت راجل )

انتَ راجل؟؟
طب دليلك. قولي إيه!
لما بالكدب. تواعدها
وأما تخلف طب ده ليه؟
إسطوانة و ماشي بيها
للوحيدة. و الغريبة
و إللي جوه منها طيبة
تحلف إنك فيها دايب
شاري قلبك للمشاعر
و بخداعك أنت غالب
مش مفرق بين جميلة
بنت ناس أو بنت جيرة
أو رخيصة لقيتها ليلة
بايعة ليك لحظات سعيدة
      انتَ راجل؟؟
لما تلعب بالبريئة
إللي حبت فيك و دابت
خَدها حلم لقاك و تاهت
و لعذابها المُر باعت
قالت أنت حبيب و قادر
تمحي خوف و ليالي ضاعت
جوه ليل ظالم و غادر
      انتَ راجل؟؟
أصحي يلا قوام و فُوق
بكره من غدرك. تدوق
يوم ف بنتك أو في أختك
شيء يصيبك من عمايلك
أبقي إبكي. و مهما تندم
تلقي جايبة الناس ف سيرتك
((بقلمي/صفاء مصطفي الخواجة ))