لما الورد بيتكلم .................2017/2/13
لما الورد بيتكلم
عمره ما بيطلع العيبة
حتي لو ماشي بيسلم
وبيودع بابتسامه عجيبة
ليه يا وردينا
اللي بتعمله فينا كتير
نسيانك اذينا
وتعبنا بس في التفكير
قرب سلم علينا
وقول باي انا ماشي
اللي جمعنا يوم لينا
واللي فرقنا لسه ماجاشي
حتي لو موش حبايب
صداقة واخوات اكيد
ليه المر بايدك جايب
والشربات منك في الايد
لما الورد بيتكلم
عمره ما بيطلع العيبة
ليه بشوكك بتعلم
وتاذي من لك حبيبه
من امته ياوردي ليك شوك
من امته لسانك بيسب
والله لكدبك في قلبي شكوك
معقوله تسب اللي تحب
ترسمها علشان ابعد
كيف ابعد يا ابن الناس
بلسانك انت بتوعد
صحبيتنا ما تنداس
وانا عند الوعد مستني
وموش هتغيب يوم
هدورك مهما تغيب عني
بوجود في حياتي مهموم
اكسرني كل ما اقرب
كل ما اكسر سد تعليه
من طريقي علي طول تهرب
و انت حلم ويوم هلاقيه
انتي حلم ويوم هلاقيه
#محمدلطفي_ابوالفتوح
#ابوبودي
ليست هناك تعليقات:
إرسال تعليق