موسيقه كلاسيك

الجمعة، 20 أبريل 2018

الشاعر. أحمد عبد الله الأسيوطي يكتب/سفينة

* سفينه *
---------
سفينه شايلاها الميه
والسفينه كتير شايله
حمولنا فيها لكن مايله
وفيها ناس بدموع سايله
***
فيها اللي يبكي على حاله
قاعد يغني ف مواله
بيشكي كل اللي جراله
ع الناي وضاع ازاي ماله
***
فيها كمان واحد مالي
متربي دايما ع الغالي
الماضي فيه زي الحالي
حياته مقضيها تسالي
***
وفيها واحد شكله يبان
ف الحياه دايما شقيان
ع الفاضي وع المليان
ف الميه ودايما عطشان
***
واللي يقولك كنت شيطان
مش عارف حاجه الخيبان
نظره بعينه على الشطئان
ويقول قربنا يا جدعان
---------
بقلمي
احمد عبدالله الاسيوطي

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...