موسيقه كلاسيك

الجمعة، 27 أبريل 2018

الشاعر.سمير الخولي يكتب/بلاش تمثلي

بلاش تمثلى دور الضحية
ليه تقولى إنى خنت وإنت
عارفة إنك إنت نور عنيه
حاولت معاكِ كتير تكونى
دنيتى ونعيش حياة هنيه
كنتِ دايما توعدى وتخلفى
وتقولى لسا أيامنا جايه
بلاش تمثلى دور الضحية
كنت عارف إن حبك ليا كدبه
وإنى محطة لسكة تانية جاية
واما ضاعت السكة من خطوتك
رجعتى تدورى على قلب حبك
قلب كان كل همه م الدنيا سعدك
وكان ضرورى على خدك يسيل دمعك
عشان أجرى وأقولك مليش أنا بعدك
لكن تقولى خاين كده وسعت منك
لو جيتى وقلتِ سامحنى رجعتلك
يمكن كنت حنسي وأرق وأحنلك
لأنى فعلا بحبك وإشتقت لك
وحلمت كتير بعيونك العسلية
لكن تقولى خاين ده كتير عليا
مش لايق عليكى دور الضحية
خلاص إنتهت التمثيلية .
................

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...