كتب الشاعر/ منتصر عبد رب النبي @حبيبي @

* * * حبيبي * * *
رجعت أكتب بعد غياب
سهران ف ليل وعذاب
كل دا علشان لاحباب
لا كلمه حلوه ولا جواب
حد يقوللي أعمل إيه
مع حبيبي اللي بحبه
يتقل عليا ولا يسأل
ماكنش طبعه ف الأول
عزول وقال له عليه اتقل
علشان يحبك ويدوب فى حبك
يا حبيبي صدق التقل خيبه
ويا الحبيب يبقىَ عيبه
هما الحبايب إزاي حبايب
غير بالمحبه والتفاهم
والعوازل إيه بإيدهم
 غير يقولوا اتقل عليه
علشان يجيلك
حيران يقول لك
أنا بحبك
سيبك منهم ومن كلامهم
إسمع كلامي
حن عليا تكسب حبي
وترحم قلبي وتكسر أحزاني
كفايه تقل وخليك معايا
تعيش فى قلبي وتفضل جنبي
نعيش أحبه نكيد عزولنا
ساعتها بس تفرح قلوبنا
وساعتها أصرخ بعلو صوتي
واقول حبيبي قدري ونصيبي
* * * بقلمي
                 منتصر عبد رب النبي العت * * *