كتب الشاعر/ أسامه جديانه $لسه فاكرة$

لسه فاكره اللى م بينا
وأول مره أتقابلنا
كانت صدفه ف طريق
وأتبادلنا بنظراتنا
من غير كلام أبتسمنا
والأرض رفضت خطانا
قولت بتبارك غرامنا
بدأت بالسلام بالإيد
والفرحه سكنت عيونا
قلبى طاير م الفرحه
وإيدك صابها رعشه
لا قولنا مسا ولا صباح
لكن كانت قلوبنا عاشقه
خدنا يومها وقت طويل
أحلامنا وأمانينا فرشنا
توهت فى لمعة عيونك
وبعد الهمس بوحنا
بدون مقدمات قولت بحبك
شوفت ورد عالخدين
سمعت نبض قلبك
نزلت ستاير الغروب
وأتهنيت أنا بقربك
ونسينا فين طريقنا
لا عارفه أسمى ولا عارف أسمك
 رنت نغمه من تلفونك
وماما عليكى قلقلت
قلت لازم أكلم أهلك
وكان أجمل لقاء
ومن وقتها والقلب حبك
                              ( أسامه جديانه)